Vigdís Hauksdóttir er þingmaður Framsóknarflokksins. Hún er einkum þekkt fyrir það að fara með fleipur og staðlausa stafi auk þess að vera fixeruð á Samfylkinguna einhverra hluta vegna.Nýjasta útspilið í þeim hráskinnaleik er eitthvað ómerkilegasti fjölpóstur sem ég hef séð á internetinu, og hef ég séð ýmislegu skola á land úr kyrrahafi internetsins

Vigdís hefur nú skrifað bréf og dreifir því út um allt með fyrirsögninni „Þetta bréf fékk ég í pósti“.Bréfið er eftirfarandi:

Til hamingju Samfylking – ykkur tókst það…Samfylkingin fékk einungis fólk úr Landsbankanum til starfa.:

Jónína S. Lárusdóttir var ráðuneytisstjóri viðskiptaráðuneytisins í umboði Samfylkingarinnar, og starfar nú hjá Arion Banka sem yfirlögfræðingur hans. Hún er gift Birgi Guðmundssyni, fyrrum viðskiptastjóra hjá gamla Landsbankanum í London og núverandi nefndarmanni skilanefnd Landsbanka Íslands.

Herdísi Hallmarsdóttur hæstaréttarlögmaður sem situr í slitstjórn Landsbanka Íslands er eiginkona Magnúsar Orra Schram þingmanns Samfylkingarinnar.

Ingvi Örn Kristinsson var aðstoðarmaður fyrrum félagsmálaráðherra Árna Páls Árnasonar og núverandi efnahags – og viðskiptaráðherra sem situr í umboði Samfylkingarinnar og er „styrkþegi“ Jóns Ásgeirs Jóhannessonar, sem jafnframt hefur neitað að gefa upp hversu mikið auðróninn hefur „styrkt“ hann. Ingi var framkvæmdastjóri verðbréfasviðs gamla Landsbankans. Einnig starfar Ingi sem ráðgjafi forsætisráðherra Jóhönnu Sigurðardóttur sem situr í umboði Samfylkingarinnar, og er enn einn ráðherra fyrstu hreinu vinstristjórnarinnar sem er „styrkþegi“ Jóns Ásgeirs Jóhannessonar.

Benedikt Stefánsson var einn lykilmanna greiningardeildar gamla Landsbankans og síðan aðstoðarmaður Gylfa Magnússonar sem var ekki kosinn af þjóðinni til starfa heldur sérvalinn efnahags – og viðskiptaráðherra af Samfylkingunni.

Björn Rúnar Guðmundsson er skrifstofustjóri í efnahags – og viðskiptaráðuneytinu. Hann var forstöðumaður í greiningardeild gamla Landsbankans. Efnahags – og viðskiptaráðuneytið er á ábyrgð Samfylkingarinnar og ráðaherrann Árni Páll Árnason er „styrkþegi“ Jóns Ásgeirs Jóhannessonar og hefur neitað að gefa upp upphæðina sem hann tók á móti.

Edda Rós Karlsdóttir er fulltrúi Íslands í Alþjóðagjaldeyrissjóðnum í umboðiSamfylkingarinnar. Hún var forstöðumaður greiningardeildar gamla
Landsbankans.

Arnar Guðmundsson var starfsmaður greiningardeildar gamla Landsbankans. Hann er aðstoðarmaður Katrínar Júlíusdóttur iðnaðarráðherra í umboði Samfylkingarinnar. Katrín sem jafnframt er „styrkþegi“ Jóns Ásgeirs Jóhannessonar.

Ársæll Hafsteinsson var einn af framkvæmdastjórum lögfræðideildar Landsbankans fyrir hrun. Hann fékk sekt fyrir það að leka upplýsingum úr Búnaðarbankanum til fyrirtækis í eigu Björgólfs eldri og var ráðinn yfir til Landsbankans þegar feðgarnir keyptu bankann. Eftir hrun var hann skipaður í skilanefnd gamla Landsbankans. Í fyrra var honum vikið úr skilanefndinni af Fjármálaeftirlitinu. Skilanefndin brást svo við að ráða hann sem ráðgjafa sem hann starfar við í dag
Um þetta er svo sem lítið að segja nema að auðvitað væri gaman að fá útskýringar í þessar ráðningar.  Eitthvað segir mér að þetta sé nú ekkert svo merkilegt.  Ég skil samt ekki þetta “styrkþegi” Jóns Ásgeirs.  Á Vigdís við uað þetta séu þessar ömurleg peningasníkjur sem tíðkuðust fyrir hrun?  eða hangir eitthvað meir á spýtunni?  Er Vigsís virkilega að halda því fram að þingmenn Samfylkingarinnar séu “on the take”?  Mér sýnist í fljótu bragði Vigdís Haukdóttir vera byrjuð að hljóma eins og geðprýðismaðurinn Páll Vilhjálmsson en skrif hans einkennast oft af vænisýki og sturlun.

Merkilegra þætti mér þó að skrifa áþekka ritgerð og Vigdís hefur lamið saman í 8 punktum um voðaverk Samfylkingarinnar og gera smávegis grein fyrir sóðabrögðum Framsóknarflokksins í gegnum tíðina.

Eigum við að fara aðeins í það mál?

Eigum við að taka fyrir Finn.  Bæta svo smá dassi af Halldóri Ásgríms ofan á.  Já og öllum hinum bófunum sem tengdust glæpahyskinu sem safnast hefur í Framsóknarflokkinn í gegnum áratugina.

Já eigum við að tala aðeins um Vigdísi Hauksdóttur.  Er hún ekki gift einhverjum sem vann einhverntíman þarna eða hérna?  Á hún ekki systur sem sá mann í strætó sem var með hatt á hausnum og vann sem spámiðill hjá Sálarrannsóknarfélagi Keflavíkur….
Herregud…  Hvar endar þessi botn eiginlega?
Höfundur: Teitur Atlason

Lokað er fyrir athugasemdir