Sæmi Rokk er frábær

Ég sá á dv.is að lögreglumaðurinn Sæmi Rokk hafði yfirbugað trítilóðan hnífamann á heimili sínu.

Sæmi er mér ógleymanlegur. Einu sinni þegar ég var unglingur og staddur í partíi út á Nesi, kom Sæmundur þar að til að reka út úr partíinu. Eitthvað voru gestir óánægir með þessa brotvísun og einn partígesta skoraði Sæma á að „tvista“ fólk heim til sín. Skipti eingum togum nema að Sæmi tók áskoruninni tvistaði nokkur spor í stofunni. Við það róaðist hópurinn í einlægri gleði yfir þessari frábæru löggu og hópurinn hélt sína leið.

Þarna sýndi hann mannlega hlið á sjálfum sér, embætti sínu og leysti máið á frábæran hátt. Allir sáttir. Löggur mættu taka hann sér til fyrirmyndar. Framkvæmdavaldið þarf ekki að vera ómanneskjulegt. Það er síður en svo til minnkunar að flagga mennsku sinni.

Mennska og stjórnsýsla eiga að fara saman.

Site Footer