RÍKHARÐUR DAÐASON ER SPILLIRINN

Ný og óvænt stjórnmálakenning hefur litið dagsins ljós.  Því ber að fagna.  Hið óvænta er að hún kemur úr ranni Davíðs Oddsonar og er einskonar flétta eða „compisition“ í kringum þekktari kenningu Davíðs um andstæðinga sína.

Eins og allir vita þá eru andstæðingar Davíðs, allir sem einn á mála hjá Baugs-liðum.  Jú eða einherjum öðrum liðum sem bukta sig ekki rétt í kringum mikilmennið.

Hið óvænta er að innan Sjálfstæðisflokksins eru lika fólk sem fílar Davíð Oddson ekkert brjálæðislega vel.  Konur eins og  Þorgerður Katrín og Ragnheiður Runólfsdóttir.   Davíð afgreiðir þær snyrtilega eftir nýju kenningunni, og segir andstöðu þeirra vera skiljanlega því að þær voru „nátengdar Kaupþingi“.

Það sem ég er að fara og reyna að benda á, er að allir sem eru ósammála mikilmenninu, ganga erinda einhverra annarlegra afla.  Hér set ég svo broskall að hætti siðaðra  🙂

Ég veit nú vel eins og allir Ísleingar að Þorgerður Katrín var ofinn inn í svikavef Kaupþings og beinlínis á mála hjá þessum skálkum.  Gerspilltur stjórnmálamaður.  Ég skil því vel hvað mikilmennið á við þegar hann beinir spjótum sínum að Þorgerði.  Hún dirfðist sér einnig að hafa aðra skoðun á ESB en mikilmennið og þar liggur sennilega hundurinn grafinn frekar en í garðinum hjá Hreiðari Má og Sigurði Einars.

Hitt er snúnara með Ragnheiði Ríkharðsdóttur.  Davíð segir hana „nátengda Kaupþingi“.  Ég fylgist bara sæmilega með þjóðmálaumræðunni á Íslandi en kannaðist ekkert við neitt kúlu-spil á vegum Ragnheiðar.  Ég vissi bara að hún ögraði mikilmenninu með því að hafa aðra skoðun á ESB en hinir innmúruðu.

Ég auglýsti því eftir þessum meintu tengslum við Kaupþing sem mikilmennið segir skýra andstöðu hennar við sjálfan sig og FLokkslínunnar í tengslum við ESB.  Auðvitað kom svarið eins og skot.  Takið nú vel eftir því hérna eru tengsl Ragnheiðar inn í Kaupþing.

Ragnheiður á son sem heitir Ríkharður Daðason og var ekki bara markahrókur heldur líka starfsmaður Kaupþings sáluga.  Hun á s.s son sem vinnur hjá Kaupþing og sá þrjótur er ábyrgur fyrir því að Ragnheiður vogar sér að hafa sjálfstæða skoðun í ESB umræðunni.

Ef einhver hefur haft uppi efasemdir um geðheilbrigði Davíðs Oddsonar ætti sá hinn sami að velta þessu fyrir sér með Rikharð Daðason og áhrif hans á ESB umræðuna hjá SjálfstæðisFLokknum.

Rikki Daða er eitraða peðið.  Hann er spillirinn.  Hvar sem hann kemur snýr hann umræðunni og heilaþvær og sundrar.

(hér þurfti ég að gera hlé á þessum skrifum vegna þess að ég hné niður vegna hláturskasts)

—  Rikki Daða gott fólk.

Site Footer