Mannanöfn

Mér þykja lögin um mannanöfn og apparatið í kringum það, fjarstæðukennd. Heilt apparat ákveður hvað þegnarnir í samfélagnu mega heita. Segjum sem svo að einhver vilji skýra dóttur sína Villimey eftir sögupersónu úr sjoppureifaraseríunni um Ísfólkið. Nefndin hafnar nafninu á þessum og hinum forsendum. Er þetta ekki hið freklegasta inngrip inn í einstaklingsfrelsið? Má fólk ekki skýra börnin sín því sem þau vilja?

Góður smekkur er eitthvað sem ekki er hægt að setja í lög. Ef einhverjum finnst nafnið Steinarr með tveimur e-r-um fallegt, þá finnst honum það hvað sem fólki í mannanafnanefnd finnst. Það hefur verið sagt að tilvist mannanafnalaganna sé til þess að vernda börnin gegn stríðni.

Ef einhver á foreldra sem vilja skýra barnið sitt Bónus Jeppesen, þá er viðkomandi barn hvort sem er í svo vondum málum að það skiptir ekki máli. Við erum fólk í þessu samfélagi, ekki þegnar sem lúta valdi þeirra sem hafa (að eigin mati)höndlað góðan smekk.

En eins og allir vita þá er munur á því að vera þegn og borgari.

Site Footer