MAGNÚS ÞÓR ER EKKI KYNÞÁTTAHATARI

Það hefur verið athyglisvert að fylgjast með umræðu um viðbrögð Magnúsar Þórs Hafsteinssonar hjá Frjálslynda flokknum í tengslum við neitun hans við að taka á móti flóttafólki frá Palestínu. Burtséð frá þeirri þversögn að “frjálslyndur” flokkur skuli setja sig upp á móti því að taka á móti flóttafólki eru viðbrögð andstæðinga “frjálslynda flokksins” kjánaleg.

Enn og aftur mótast pólitísk umræða á Íslandi af hálfri hugsun. Hugsun sem kemst bara hálfa leið og verður alltaf í skötulíki. Magnús var sakaður um kynþáttahatur vegna afstöðu sinnar.

 

Þetta er af og frá.

 

Magnús er ekki kynþáttahatari. Hann þjáist af því sem kallast xenofobia, eða ótti við útlendinga. http://en.wikipedia.org/wiki/Xenophobia Eigi umræðan um afstöðu ”frjálslynda”flokksins að eiga sér einhverja von um að verða vitræn verður að notast við rétt hugtök. Það væri óskandi að þáttakendur í pólitíkskri umræðu á Íslandi væru betur að sér en raun ber vitni.

Kjánaleg bríksl um kynþáttahatur er ekki til þess fallinn að fá niðurstöðu í þessu flóttamannamáli. Það er ósanngjarnt gagnvart Magnúsi Þór og kjánalegt fyrir andstæðinga hans. Niðurstaðan verður því enginn í þessu máli og endar áður en hún fer af stað.

Sá sem skilur ekki muninn á ótta við útlendinga og kynþáttahatri er ekki megnugur að taka þátt í opinberri umræðu og ætti að halda sig utan hennar.

Site Footer