LÚSERINN BJARNI BENEDIKTSSON

Ég undrast þagnarvegginn sem risið hefur upp í kringum miljarðabrask Bjarna Ben. það er eins og ekkert hafi gerst og ekkert hafi skeð. Engir miljarðar og ekkert brask. Bara hljóðið í breyttum Cheeroke jeppa í fjarska. -Þögn.

Enginn undirskrift formanns Sjálfstæðisflokksins og engir 12 miljarðar sem töpuðust. Ekkert.  – Ekki boffs kæru lesendur.

Samt kostaði þetta brask formanns Sjálfstæðisflokksins hvert mannsbarn á landinu 10. þúsund krónur. kannski ekki stórupphæð miðað við afrek hinna formanna Sjálfstæðisflokksins. Haarde og Davíðs Oddsonar.

Kom það einhverjum á óvart að Bjarni Benediktson væri innvíknlaður í eitthvað brask? Eitthvað brask sem var „money in the bank“. Eitthvað brask sem ekki var hægt að tapa á. (þjóðin tapar reyndar en það var líka partur af leiknum) Snérist spillingin á síðustu metrum ríkisstjónrar Haardes og Ingibjargar ekki einmitt um svona díla.

Díla sem ekki var hægt að tapa á? Díla sem útvaldir fengu en ekki þjóðin. Þið vitið. Kúlulán og tekin á einkahlutafélög og svoleiðs.

Kemur einhverju á óvart að Bjarni Ben sem breytti olíufyrrtæki, sannkallaðri peningamaskíunu, í skuldum hlaðið draugafyrirtæki? Ha Bjarni Ben? Hinn breiðkylkti Garðbæingur í göngutúr með svartan Labrador? -Í fjörunni með trefli frá Hugo Boss?

 

27 comments On LÚSERINN BJARNI BENEDIKTSSON

  • Ástæðan fyrir að enginn fjölmiðill nema skolpritið DV er búið að fjalla um þetta er einfaldlega því það er engin frétt þarna, hann átti hlut í fyrirtæki sem átti fyrirtæki sem lenti í vandræðum í viðskiptum. Aðeins fólk eins og þú sem bloggar einungis um hversu ómögulegur sjálfstæðisflokkurinn er gleypir við þessu, og ert einmitt álíka trúverðugur og DV.

  • Ég ætla einmitt að gerast áskrifandi að DV,þeir eiga heiður skilinn, þetta mál má alls ekki fara ofan í læsta skúffu.

    Nú reynir enn á aftur á fjölmiðlanna, bregðast þeir aftur ?

    Trúi því bara ekki !
    P.s ( Mbl. tel ég ekki með )

  • Þetta comment sem þú vísar í frá Bjarna í lok færslunnar. Ekki er þetta í alvörunni eitthvað sem hann sagði.

    Hvar sagði hann þetta?

  • Ekki gleyma Burnham – það var fyrirtæki sem hann átti hlut í og lenti í vandræðum.

    Sonna svipað og Kjartan Gunnarsson – hann átti líka hlut í fyrirtæki sem lenti í vandræðum….. og reyndar öll þjóðin með. Bjarni hefur miklar og vandaðar lausnir á því máli eins og við höfum heyrt og séð á alþingi.

    Mennirnir eru greinilega miklir áhættufjárfestar. Þeir hljóta að eiga stóran hlut í Mogganum.

  • Bjarni Benediktsson og lausnir, er eitthvað sem ég hef aldrei hugsað um í sömu andrá. Hvaða lausnir hefur hann komið með síðustu mánuði?

    Sjálfstæðismenn vilja endilega grafa þetta mál ofan í skúffu, og menn eins og hann Hannes vilja auðvitað halda að þarna sé engin frétt. En þarna er ekki um að ræða einhvern Jón úti í bæ, heldur formann annars af stærstu stjórnmálaflokkum landsins. Það ber að hafa í huga. Þeir bera jú meiri ábyrgð en hinn ágæti Jón úti í bæ.

    Kv. Smári

  • Íhalds elítan á höfuðborgarsvæðinu trylltist í gróðærinu.Einn milljarður var bara „Kleingeld“.
    Þessvegna kúlulánin. Þessvegna var reynt að maka krókinnn í Macau.
    Hrikaleg græðgi. En það merkilega er, að menn eins og þessi Hannes, sem á líklega varla bót fyrir rassinn, styrkir þetta græðgispakk og respekterar það.
    Já, þeir smellpassa saman, kjölturakkarnir og fjárfestarnir, Bjarni Ben og Sigmundur Davíð. Græða, græða, græða.
    Haukur Kristinsson

  • bara klassískt dæmi í þessari skitu allri.

  • Sennilega er, einmitt, enginn hissa.
    Þess vegna nenna menn ekki að fjalla um þetta.

    Þó svo að vissulega væri ástæða til, í siðmenntuðu landi með samfélagsvitund.

    En þar erum við ekki.
    Ennþá.

  • Getur þú bakkað þessa staðhæfingu upp, að hann hafi sagt það sem þú segir hann hafa sagt 2005?

  • Ömurleg afsökun sem Hannes hér að ofan finnur fyrir Bjarna, hann átti fyrirtæki sem átti fyrirtæki og þess vegna er hann saklaus. Það er eins og menn haldi að ef einhver á fyrirtæki sem á fyrirtæki að seinna fyrirtækið stjórni sér sjálft og eigandinn hafi ekkert með það að gera. Þetta eru skýringar sem maður sér á bloggsíðum Sjálfstæðismanna og svo passa þeir að loka fyrir athugasemdir svo enginn leiðrétti vitleysuna. Ömurlegt hyski sem fattar ekki að það er að skaða þjóð sína. Þeir sem eru í sjálfstæðisflokknum eru þar til að fá eitthvað í staðin og ekki út af neinu öðru.

    Kveðja, Valsól

  • hann átti hlut í fyrirtæki sem átti fyrirtæki sem lenti í vandræðum í viðskiptum

  • Bjarni sagði þetta í einhverju útvarps eða sjónvarpsviðtali við erlanda fréttastofu. Einhver svona fréttaskýring þegar efnahagsbólan var að þenjast út af óþekktum krafti.

    þessi orð voru aðeins í umræðunni (ég er ekki alveg viss hvort það var 05 eða fyrr) það hljóta einhverir að muna eftir þessu aðrir en ég.

    Ég óska hér með eftir nánari fréttum af þessum orðum Bjarna.

  • Aðeins of fljótur á mér

    Hannes (Hólmsteinn) hér að ofan leggur greinilega blessun sína yfir svikamyllu þá sem þessir menn stunduðu, Wernersbræður og Engeyjarslektið eins og á eftir að koma í ljós.

    "hann átti hlut í fyrirtæki sem átti fyrirtæki sem lenti í vandræðum í viðskiptum"

    þvílíkt djók.

    Og já satt hjá honum Sjálfstæðisflokkurinn er ómögulegur og einnig spilltur.

    Fyrrverandi Sjálfstæðismaður

  • Gaman að sjá alla lesendur DV á einum stað.

  • Las grein á þessari síðu fyrir nokkru þar sem höfundur talaði um að nú þyrfti að fara að moka ofan í skotgrafirnar.

    Síðustu pistlar gefa ekki til kynna að síðuhöfundur ætli að taka þátt í því, hér er mokað og mokað – tómu lofti.

    Kv.
    Sigrún

  • -Nokkuð til í því Sigrún.

  • Þó ég sé ekki alltaf sammála þér, Teitur, þá hélt ég samt að þú værir ekki alveg svona auðblekktur.

    Ég vil taka það skýrt fram að ég er EKKI kjósandi Sjálfstæðisflokksins og ég er EKKI aðdáandi og/eða verjandi Bjarna, en þetta mál er allt saman svo klárlega ein risavaxin smjörklípa að það er með ólíkindum að þokkalega meðalgreint fólk skuli gleypa þetta án þess að kynna sér staðreyndir.

    Og hverjir eru málavextirnir? Jú, í örlítið einfölduðu máli:

    – Bjarni á í fyrirtæki A og situr þar í stjórn.

    – Fyrirtæki A á hlut í fyrirtæki B, eins og algengt er. Í fyrirtæki B á líka hlut enn eitt fyrirtækið, C, sem er í eigu Karls Wernerssonar, sem á Sjóvá.

    – Semsagt, fyrirtæki A [Bjarni] og C [Karl] eiga saman fyrirtæki B.

    – Fyrirtæki B gengur ekkert allt of vel þannig að Íslandsbanki gerir veðkall og heimtar meiri veð.

    – Fyrirtæki A [Bjarni] og fyrirtæki C [Karl W.] verða því að leggja meiri tryggingar/veð inn í fyrirtæki B.

    – Ég veit í sjálfu sér ekki hvað A [Bjarni] lagði inn, en fyrirtæki C [Karl] leggur inn í fyrirtæki B … hvað? Jú, einhverja dubious "turna" sem tengjast fasteignabraski Karls W. og misnotkun hans á Sjóvásjóðunum.

    – Reglur um veðköll eru þannig að það er alls ekkert víst hvort A [Bjarni] hafi yfirhöfuð vitað hvaða aukaveð C [Karl] lagði inn.

    Þannig að: ef að þú, Teitur, átt hlut í félag með gömlum vini, sem við skulum kalla "Kalla", og félagið lendir í vandræðum og bankinn heimtar meiri veð, og Kalli leggur án þinnar vitneskju inn einhverjar vafasamar eigur sem tryggingu fyrir sínum hlut … er þá sanngjarnt að slá því upp á forsíðu DV að þú, Teitur, sért á kafi í "braski"?

    Ef einhver hefur gert eitthvað ólöglegt hérna þá er það Karl W.

    Spáið aðeins í tímasetninguna á þessu máli. Af hverju haldið þið að þetta sé blásið út akkúrat *núna*?

    Ekki heppilegt mál, en smjörklípa engu að síður. Ótrúlegt að sjá hvernig sumir velta sér endalaust upp úr drullunni, og virðist bara líka það vel.

  • Var ekki bótasjóður Sjóvá tæmdur í þetta sama verkefni?
    Svo þegar upp komst var Þór Sigfússon rifinn úr forstjórastóli Sjóvár og klappaður upp sem formaður samtaka atvinnulífsins fyrir afrekið?

    Jamm, rétt hjá þér Hannes, þetta er ekkert fréttnæmt á Íslandi. Gerist á hverjum degi að helstu pólitísku leiðtogar okkar standa í 100% siðlausum og pínulítið ólöglegum viðskiptum. Án þess að hafa hugmynd um hvað er í gangi.

    jens

  • Það sem skiptir er að "pabbadrengirnir", sem eiga að vera "nýja fólkið" í Sjálfstæðiflokknum og Framsóknarflokknum, eru hlutar af fjölskyldum sem tóku af fullum krafti þátt í ruglinu sem leitt til hrunsins, og labba líkalega með miljarða í gróða af því. Þeir hafa verið settir í þess hlutverk sem fulltrúar þessara fjölkyldna og þeirra klíka sem þessar fjölskyldur svo tilheyra. Allt sem þeir gera snýst um að vernda hagsmuni klíknanna, þjóðarhagur kemur það hvergi nærri.

    ekkinn

  • Það er greinilega verið að reyna að þyrla moldviðri yfir þetta eins og sést hérna.

    Ég ætla því að taka hér smápart úr bloggfærslu sem ég skrifaði um þetta og benda á þetta:

    Eigendur Vafnings eru:
    * SJ2(eigendur eruSjóvá/Wernersbræður)-eignarhluti 48,8%
    * Skeggi hf(eigendur eru SJ2, Hafsilfur/Benedikt Sveinsson pabbi Bjarna), BNT/Benedikt og Einar Sveinsson o.fl, Hrómundur/Einar Sveinsson og Sáttur/Guðmundur Ólason forstjóri Milestone sem einnig er titlaður sem framkvæmdastjóri Vafnings)-eignarhluti 39,1%
    * Fjárfestingafélagið Máttur(eigendur eru Hrómundur, SJ2 sem er líklegast Sjóvá, Mileston, Gunnlaugs Sigmundssonar og Hafsilfur)-Eignarhluti 12,1%

    og svo þetta um tengsl Bjarna þarna:

    * Hann var stjórnarformaður og hluthafi í BNT á þessum ársfjórðungi þegar þessi viðskipti fóru fram. BNT á eins og áður er bent á hlut í Skeggja sem er einn af eigendum Vafnings.
    * Hann var stjórnarmðaur í fjárfestingafélaginu Mætti sem átti hlut í Vafningi.
    * Faðir hans og frændi eiga í BNT, Skeggja, Hafsilfri, Hrómundi og Mætti auk þess sem þeir líklegast sitja eða hafa setið í stjórn eða slíkt þar.

    Ég bendi svo á að Bjarni tekur það að sér að fara með hlutabréf í Vafningi og veðsetja fyrir föður sinn og frænda. Vegna þess hversu umfangsmikil þessi viðskipti voru eða upp á 20 milljarða þá er harla ólíklegt að þetta hafi ekki komið upp á borð innan stjórn Máttar hið minnsta.

    Og það er harla ótrúverðugt að maður sem fer og veðsetur hlutabréf sem tengjast milljarðaviðskiptum, geri það spurningalaust og án nokkurrar vitneskju um hvað sé í gangi, sérstaklega þar sem fjölskylda hans og samstarfsfélagar í fyrirtækjum tengjast þessu öllu.

    Hér er færslan í heild sinni:

    http://bloggheimar.is/ak72/?p=525

  • Aggi staðfestir að þetta er að mestu leyti getgátur, gisk og "ályktanir" hjá þeim sem hvað harðast ganga fram í að ata Bjarna auri út af þessu.

    Lesið þetta hér: það sem blaðamaður DV skrifar þarna er harla athyglisvert:

    http://fridjon.eyjan.is/2009/12/16/jatning-bladamanns-dv/

  • Ég bendi þeim nafnlausa á sem skrifar á eftir mér, að stjórnarmaður í fyrirtæki er ábyrgðarstarf, en ekki eitthvað kaffisnakk.

    Þetta mál hefur að öllum líkindum farið inn á borð fjárfestingafélagsins Mátts þar sem Bjarni er stjórnarmaður því þarna er um að ræða milljarða viðskipti, sama hvernig þú lítur á það. Þetta er ekki eitthvað 5.000 kr. bréfsefnakaup og ef Bjarni hefur ekkert vitað af þessu þaðan, þá er hann ekki starfi sínu vaxinn.

    Einnig bendi ég á aftur að Bjarni fer og veðsetur hlutabréfin sama dag og gengið er frá þessum viðskiptum sbr. þessa tímalínu:

    * 7. febrúar: Milestone selur væntanlegum hluthöfum í Vafningi fasteignafélagið í Macao, þ.e selur sér og skyldmennum Bjarna þetta.
    * 8. febrúar: Vafningur kaupir fasteignafélagið formlega og einnig þennan Litla-Baug eða KCAJ-sjóðinn sem stofnaður var af fyrrverandi starfsmanni Baugs. Bjarni Benediktsson fer sama dag og veðsetur hlutabréf BNT, Hrómundar og Hafsilfurs í Vafningi með umboði frá föður sínum og frænda.
    * 29. febrúar: Vafningur gerir lánasamning við Sjóvá upp á 10,4 milljarða og einnig lánasamning við Glitni. DV segir að líklegast hafi Bjarni verið að veðsetja bréfin í Vafningi vegna Glitnislánsins
    * Janúar-febrúar:Vafningur fær einnig 5 milljarða að láni frá fyrirtæki föður Wernersbræðra.

    Ég spyr því enn og aftur, hversu líklegt er að Bjarni hafi haft enga vitneskju um hvað hann var að gera, að hann hafi verið að fara og veðsetja bréfin án þess að hafa nokkra vitneskju um hvað var í gangi.

  • Teitur Atlason… því miður verð ég að gera athugasemdir við persónu þína vegna upploginna ásakana á Bjarna Benediktsson form Sjálfstæðisflokksins.

    Þig ætti ekki að muna mikið um að blekkja almenning – enda með háskólapróf í því að ljúga að fólki að svart sé hvítt og hvítt sé svart.

    Þú telur fólki trú að til sé guð og segist umboðsmaður hans.

    Guð er manngerður ásamt djöflinum en báðir notaðir sem tæki til að stjórna fjöldanum.

    Bjarni sagði 2006 í viðtali að útrásarvíkingur hefði sagt við sig að honum (útrásarvíkingnum)liði eins og lúser ef hann ætti ekki milljarð í bankanum.

    Í guðanabænum séra Teitur farðu nú ekki að taka upp á því að segja satt – það fer prestum svo illa enda hempan svört.

  • Það eru 2 möguleikar í stöðunni.

    1. Bjarni er að ljúga. Þá er hann sekur svakalegt dómgreyndarleysi, heimsku og óheiðarleika.

    2. Bjarni er að segja satt. þá er hann vita vonlaus stjórnarformaður og stjórnarmaður. Er þarna bara í skjóli ættarinnar til þess að drýgja tekjurnar enda ekki hægt að ætlast til þess að hann lifi á þingfarakaupinu. Hann fékk 400.000 á mánuði fyrir stjórnarformennsku í N1 árið 2008, líklega eitthvað svipað fyrir BNT og Mátt, kannksi aðeins minna. Þessi fyrirtæki standa öll frekar illa í dag. Hann virðist ekki hafa haft hugmynd um hvað þessi fyrirtæki voru að taka sér fyrir hendur hverju sinni. Það er nú aumi stjórnarformaðurinn/stjórnarmaðurinn, ég segji nú ekki annað.

    Er honum treystandi til þess að verða forsætisráðherra ef þetta eru vinnubrögðin?

  • Í feb 2008 þegar umræddar veðsetningar áttu sér stað í Vafningi höfðu hlutabréf um allan heim lækkað sem leiddi af sér "veðköll" frá lánveitendum – þ.e. aukin veð. Vafningur virðist hafa verið stofnaður utan um slík viðskipti. Wernersbræður þurftu að bæta við veðum vegna skulda (Bjarni nefnir þetta "endurfjármögnun" sem það með réttu er) Íbúðaturn Wernersbræðra í Makaó var lagður inn í Vafning sem veð W. vegna veðkalls t.d. hjá Glitni og hafði ekkert með Bjarna að gera.

    Ef menn sjá eitthvað annað út úr þessum viðskiptum, þá er það vegna þess að þeir vilja sjá eitthvað annað.

  • Er ekki bara málið að Bjarni var í þessum sjórnum upp á punt til þess að fá auka milljón á mánuði í laun. Hann hefur ekkert vit á business og virðist ekki hafa haft hugmynd um hvað þessi fyrirtæki voru að bralla sem átti að heita að vera stjórnarformaður/stjórnarmaður í.

Comments are closed.

Site Footer