Kolbrún.. Beat it. – Just beat it.


Kolbrún Halldórsdóttir þingmaður VG sá til þess að annars vel stillt kosningamaskína VG hikstaði og hrökk úr gír um stund eftir einhver grát -og meinlegustu umæli í lýðveldissögunni.

Eina vonarljósið í allri hörmungarsögu Davíðshrunsins eru fréttir þess efnis að olíulindir kunni að leynast í lögsögu landsins. Aðspurð gaf Kolbrún Halldórsdóttir sterklega í skyn að ekkert yrði úr olíuleit eða þvíumlíku. Málið yrði skoðað í nefnd og drepið með hamri og hent ofan í kalda gröf

Við þessi ógeðflendu orð Kolbrúnar fóru afturgöngur í kreik. Allar sögurnar um „þröngsýnis-flokkinn VG“ lifnuðu við eins og fyrir einhvern galdur. Risu upp úr gröfunum eins og í myndbandi Michaels Jacksons, „Thriller“. Þarna var líkið af grasafræðingunum með stækkunarglerið sitt að skoða lyng. þarna var einn mótmælandi gegn NATO, þarna var líka hópur sem vild taka upp harðkjarna áætlunarbúskap og loka landinu og skella því í lás. Þarna var glaði maðeurinn sem var að „gera upp“ (s.k „panel-kommi“), þjóðlegi VG maðurinn með pípuna sem safnaði Lödum…. Allt fúavarnarliðið reis upp úr gröfunum sínum við þessi heimskulegu orð Kolbrúnar og steig langþráðan dans.

Kolbrún Halldórs hefur skaðað flokkinn sinn mikið og ætti að skammast sín. En svona er þetta þegar vitleyisngar fá „open mic“. það fer allt í háaloft

-Beat it Kolbrún, -Just beat it.

14 comments On Kolbrún.. Beat it. – Just beat it.

  • Ég skora á þá sem kjósa VG í kjördæmi Kolbrúnar, að þeir striki hana út!

  • þetta segir nú meira um þig en um Kolbrúnu.
    Ummæli hennar endurspegla einfaldlega umræðu annars staðar í hinum vestræna heimi, þ.e. að horfa frá notkun á kol, gasi og olíu, efnum sem valda mestri koltvísýringsmengun í heiminum í dag og eru þar með helsti valdur alheimshlýnunarinnar – og horfa til annarra orkugjafa.
    Í Noregi er t.d. almenn andstaða gegn frekari olíuborunum í hafinu fyrir utan Norður-Noreg, svo sem fyrir utan Lofoten. Ástæðan er ekki aðeins mengunarhætta þar sem helstu uppeldisstöðvar þorsksins eru þar að finna, heldur einfaldlega vilji til að leita nýrra orkulinda. Tveir af þremur stjórnarflokkunum hafa ályktað gegn frekari leit en Arbeiderpartiet þorir ekki að taka afstöðu fyrr en eftir kosningar í haust (dæmigerð krataafstaða). Verkalýðshreyfigin þar er jafn föst í gömlu orkuhugsuninni og íslenskir bloggarar, og borgaralegu flokkarnir + Samfylkingin) og vill endilega bora.
    Norska kirkjan leggst hins vegar eindregið gegn borununum og setur þá baráttu í samhengi við umhverfismálastefnu sína.
    Svo það er Kolbrún sem er framsækin, raunsæ, heiðarleg og í takt við tíðarandann en þeir sem gagnrýna hana íhaldsamir og sýna vel hversu umræðan um umhverfismál hefur náð skammt uppi á klakanum kalda.
    Munum að ef verstu spár um alheimshlýnun gengur eftir (6 gráðu hlýnum fyrir 2100) þá mun 80% jarðarbúa deyja.
    Er ekki kominn tími til að sýna ábyrgð?

  • Fullkomlega sammála þér!
    „Just beat it Kolbrún – beat it.“
    Strikum hana út í kosningunum.

  • Jóhannes:

    Það er ekki rétt að Kolbrún hafi gefið andstöðu sína í skyn. Hún beinlínis ætlar að vinna gegn olíuleit á Drekasvæðinu. Hlustið á viðtalið við hana. Og hún á mjög marga stuðningsmenn og skoðanasystkini innan VG, sbr nafnlausan hér að ofan

    http://vefmidlar.visir.is/VefTV/?channelID=STOD2&programID=d93d6ddc-f3df-4c27-90e2-28d49738f306&mediaSourceID=9c5cd47b-ffaa-4d90-8743-a26bd2a38612&mediaClipID=b267eadf-8e33-4616-ae91-467c3790758e

  • Hvernig væri að gefa upp hvað er svo slæmt við að berjast gegn olíuleit á Drekasvæðinu?
    Veitir hún svo mikla atvinnu (sömu grunnu röksemdir og fyrir álveri)?
    Er hún svona arðbær (enn og aftur álver)?
    Og hvernig verður með fjármögnun?
    Þótt þetta nýja ástarævintýri hjá Øssuri verði ekki að veruleika fyrr en í fyrsta lagi 2014 (merkilegt að gera það að kosningarmáli 2009!) þá stendur fjármagnskreppan alla vega þangað til (samkvæmt AGS) með tilheyrandi vandamálum við að útvega fjármagn (og lánsfé).
    Olíudæmið er þannig alveg jafn fráleitt við núverandi aðstæður og álvershugmyndirnar, alveg burtséð frá hversu vitlaus hugmyndin er umhverfislega séð.
    Svo ég hvet alla umhverfisverndarsinna að kjósa VG en ekki Samfylkinguna – til að forðast umhverfisslysin.

  • Það er ekki rétt að almenningur hér (í noregi )sé allur á móti olíuvinnslu á lófótsvæðinnu.
    Hinsvegar er almenningur í grend við lófóten á móti vinnslunni.
    Og kirkjan hér í noregi er sennilega sú þröngsýnasta og afturhaldssamata í öllum hinum vestræna heimi, margt frekar ógáfulegt sem kemur frá þeim bænum.

    Norski verkamannaflokkurinn er með eindæmum ákvarðanafælin, svona eins og samfylkingin og þorðu ekki að taka ákvörðun um að veita leyfi til olíuleitar, en það er nokkuð ljóst að þegar svar þeirra kemur, verður það meðfylgjandi olíuleit, en vegna kostninga og von um áframhaldandi rauðgræna ríkistjórn þá vilja þeir bíða.

  • Gott að þú staðfestir orð mín um umræðuna í Noregi. Hins vegar er það ekki rétt hjá þér að norskur almenningur sé almennt ekki á móti olíuvinnslunni úti fyrir Noregi. Ég sá könnun um daginn (man ekki hvar) þar sem 60% aðspurðra voru á móti borununum.
    Og andstaðan er mest þar sem atvinnuhagsmunir eru mest í húfi, þ.e. á Lofótensvæðinu, eins og þú bendir sjálfur á.
    Svo er ég ekki heldur sammála þér um að norska kirkjan sé „sennilega sú þröngsýnasta og afturhaldssamasta í öllum hinum vestræna heimi“.
    Þvert á móti er hún ein sú allra framsæknasta, tekur mjög virkan þátt í umræðu um umhverfismál og einnig í umræðu um alþjóðastjórnmál, svo sem med andstöðu sinni gegn glæpsamlegu framferði Ísraela í Gasa nú um áramótin.
    En líklega leggjum vid ólíkan skilning í hugtökin þröngsýnn og afturhaldssamur!

  • Jóhannes:

    Það sést best á kommentunum hérna að Kolbrún á sér öfluga stuðningsmenn, væntanlega innan VG.

    Það er auðvitað fráleit stefna VG að standa gegn hagkvæmri nýtingu náttúruauðlinda til að skapa atvinnu, styrkja atvinnulífið, standa undir öflugra velferðarkerfi og bæta hag heimilanna í landinu. Sérstaklega á þetta við núna þegar við stöndum frammi fyrir því að nýting náttúruauðlindanna er helsta leið okkar út úr núverandi erfiðleikum, sbr grein Gylfa Magnússonar í Morgunblaðinu í dag. Það á enn eftir að koma í ljós hvort olía eða gas á eftir að finnast í vinnanlegu magni, en norsku sérfræðingarnir sem hafa unnið frumathuganir eru mjög bjartsýnir.

    Orka úr jarðgasi, olíu og kolum verður unnin áfram í heiminum á næstu áratugum / hundruðum vegna mikillar og aukinnar eftirspurnar eftir orku í heiminum. Það breytir litlu í heildarmyndinni þótt litla Ísland taki þá afstöðu að standa utan við þá þróun af (öfgakenndum) umhverfisverndarsjónarmiðum.

    Það er hinsvegar gott að fá skýrt og afgerandi fram afstöðu VG til nýtingar auðlinda á Drekasvæðinu, og staðfestingu hér á því að Kolbrún er ekki ein um þessa skoðun.

  • Ég skora á hugsandi fólk að kjósa ekki VG og ekki Samfó og ekki Íhaldið. Þá er bara framsókn eftir sem er eina vonin á Íslandi. með nýju fólki sem vill vel

  • Athyglisvert komment frá stóriðjusinnanum Jóhannesi, ekki síst um að orka úr jarðgasi, olíu og kolum verði unnin áfram í heiminum á næstu áratugum (og hundruðum!) vegna mikillar og aukinnar eftirspurnar eftir orku í heiminum.

    Það er eins og hann hafi aldrei heyrt um hnattræna hlýnun og hvað hún muni leiða af sér ef ekkert verður að gert.
    Umhverfisvernd er mikilvægasta pólitíska málið í dag eins og norski forsætisráðherran, Jens Soltenberg, hefur nýlega bent á.
    Umhverfispanill S.Þ. hefur haldið fram, og stuðst við gögn frá yfir 2500 sérfræðingum, að ef ekkert verði gert, svo sem að byggja áfram á orkulindum eins og olíu þá muni heimurinn verða óbyggilegur eftir 100 ár.
    Þess vegna er afstaða manna eins og Jóhannesar furðuleg og leiðir einfaldlega til útrýmingu alls lífs á jörðinni.
    Það eru flestir ábyrgir aðilar sammála því að leita verði að nýjum orkugjöfum sem allra, allra fyrst og takmarka notkun á olíu, kolum og gasi eins mikið og mögulegt er og eins fljótt og mögulegt er.
    En Íslendingar hafa fram til þessa verið stikkfrí í þessum málum, eins og undanþáguákvæðið í Kýótó-bókunni er gott dømi um.
    Ekki nóg með það. Nýlega lagði meirihluti alþingismanna fram frumvarp um að þetta sérákvæði skyldi gilda áfram og vera krafa okkar á umhverfisráðstefnunum á næstunni!
    Þetta var samþykkt af þingmönnum Sjálfstæðismanna, Framsóknar og Frjálslyndra – umhverfissinnaðir kjósendur munið það!
    Ísland neitar því þannig enn og aftur að axla ábyrgð vegna hinnar hnattrænu hlýnunar. Þessu breytum við einfaldlega á laugardaginn með því að hafna borgaraflokkunum og kjósa til vinstri!

  • Jóhannes:

    Umræðan um hnattræna hlýnun hefur ekkert farið fram hjá mér. Það breytir ekki því að þrátt fyrir þau neikvæðu áhrif sem bruni jarðefnaorku hefur í för með sér, mun nýting þessarra auðlinda halda áfram meðan þær finnast í vinnanlegu ástandi. Norðmenn eru í reynd ekkert að slá af þrátt fyrir náttúruverndarumræðu þar í landi.

    Hugsanlegar orkulindir Íslands á Drekasvæðinu eru mjög litlar á heimsvísu, en munu hugsanlega skila miklu meiri efnahagslegum ávinningi á mann en fyrirfinnst annars staðar. Þessu tækifæri á einfaldlega ekki að sleppa. Sama gildir um nýtingu jarðhita þótt í ljós hafi komið að hún sé ekki nema að hluta endurnýtanleg orka og af henni stafar mengun í dag. Að sjálfsögðu eigum við eins og aðrar þjóðir að nýta orkuauðlindir okkar skynsamlega, þjóðinni til heilla, en jafnframt halda áfra að finna leiðir til að draga úr neikvæðum umhverfisáhrifum þeirra. Þar erum við einfaldlega á báti með öðrum þjóðum. Það verður að vera jafnvægi og skynsemi í þessum málum. Af hverju eru kjarnorkuver aftur komin á teikniborðið í Svíþjóð, Bretlandi og hjá ýmsum öðrum Evrópuþjóðum? Er það mengunarlaus orka?

  • nafnlaus segir “ Umhverfispanill S.Þ. hefur haldið fram, og stuðst við gögn frá yfir 2500 sérfræðingum, að ef ekkert verði gert, svo sem að byggja áfram á orkulindum eins og olíu þá muni heimurinn verða óbyggilegur eftir 100 ár.“
    fjöldi sérfræðinga hefur ekkert að segja með hvort þeir hafi rétt fyrir sér, einu sinni var það fjðldinn sem staðhæfði að jörðin væri flöt.

    og í sambandi við að norska kirkjan sé framsækin, nei alls ekki, t.d viðurkennir hún ekki samkynhneygð. Og að hún sé að skipta sér af alþjóðapólitík er ekki framsækni, heldur er kirkjan þá að fara frá að vera trúarhreyfing óháð pólitík, yfir að vera pólitísk stofnum,sem er ekki hennar hlutverk

  • Ef að Kolbrún Halldórsdóttir gæti bannað kynlíf þá myndi hún eflaust gera það. Hún ein er ástæðan fyrir því að ég kýs ekki VG. Flokk sem að mér líst vel á að öllu öðru leyti. Og nei, það er ekki nóg að strika hana bara út.

  • Hahaha… Hún er mikill skemmtikraftur þessi kona. Ég hlæ oft að henni, hvort sem hún er að tala um rakaða nára eða annað. Hún er óttalegur rugludallur.

    Sjálf er ég kominn á eitthvað framtíðarlands, Philip K Dick trakk með að við eigum öll að vera organic og vistvæn og beila á svona fossil fuels, en… engu að síður… þá verður samt alltaf þörf fyrir olíu. Þannig er það og þetta þarf víst ekki að flækja meira. Það verður bara minna um hana og hún verður dýrari. Svona eins og trufflur.

    Trufflubændur eru víst að gera það rosa gott.

Comments are closed.

Site Footer