UM BLOGGIÐ

Þetta er Eimreiðin og hún er blogg Teits Atlasonar.  Eimreiðin fór fyrst í loftið árið 2008 eftir að ég flutti búferlum til Svíþjóðar.  Þetta var í raunninni bara fikt fyrst um sinn og viðbragð við leiðindum ef ég á að vera alveg hreinskilinn.  Ég byrjaði á Blogger.com sem var mjög fínt kerfi. Þá flutti ég mig yfir á Eyjuna og þaðan svo á DV og að lokum til Kvennablaðsins.  Þetta blogg hérna er Word Press og er hýst á mínu eigin léni og hérna eiga að vera allar færslur sem ég hef samið.  Mér finnst gott að vera einn og stakur hérna á netinu því hér hef ég töglin og haldirnar.

Þetta blogg breytist svolítið. Það fjallaði fyrst um hitt og þetta. Svo þegar hrunið kom þá breyttist Eimreiðin í mjög pólitíkst samfélagsblogg.  Í seinni tíð hefur færslunum fækkað eitthvað og efnistök færst yfir í neytendamál en á þeim hef ég mikinn áhuga.  Ég notast við myndir í seinni tíð og vinn þær gjarnan í Picasa sem er ljósmynda-umsýslu-forrit frá Google.  Það er býsna gaman að finan og hanna réttu myndina við hvert og eitt blogg.

Þetta blogg heldur sér meira og minna óbreytt. það eru færslur sem ég eytt og aðrar sem ég hef geymt.  Ástæðurnar eru nokkar en stundum hef ég farið yfir strikið og sumt er bara lélegt.  Þeir sem vilja nálgast „horfnar“ færslur geta haft samband við mig og ég skal koma þeim til viðkomandi.

Þetta blogg hefur breyts í gegnum tíðina og mun ugglaust breytast eitthvað í framtíðinni.  Ég hef gaman af því að skrifa um samfélagsmál og mun ugglaust halda áfram um sinn.  Ég er alltaf opin fyrir efni og ábendingum.  Það má alveg senda mér póst með einhverju sniðugu efni á netfangið mitt, teitur.atlason@gmail.com