kdkdkdkdkdkkdkdkdkdkd

FRAMBOÐ TIL FLOKKSTJÓRNAR SAMFYLKINGARINNAR

Góðu félagar.

Ég ætla að bjóða mig fram í flokkstjórn Samfylkingarinnar en það er kosið um 30 sæti á landsfundinum okkar. Flokkstjórn er skipuð framkvæmdastjórn flokksins, kjördæmisráði flokksins og 30 manna hóp sem kosinn er á landsfundi.Ég er giftur Bryndísi Bjarnadóttur og við eigum 5 stráka. Þeir búa hjá okkur á Hringbraut 55 í Reykjavík. Ég hef verið formaður SffR og þekki flokkstarfið ágætlega.

Sjálfboðastarf innan stjórnmálahreyfinga er oft handan við getu þeirra sem vinna mikið og geta ekki með góðu móti sinnt félagsstörfum vegna peningaleysis. Þetta er hálfgerð synd því það er einmitt þetta fólk sem ætti að skipta sér í meira mæli af stjórnmálum og reyna að endurspegla þarfir þeirra sem ekki eru bundir af vinnu, fjölskylduábyrgð eða peningaleysi. Víða erlendis eru stjórnmál vettvangur forréttindahópa til að breyta samfélaginu. Slíkt er að auðvitað að finna hérlendis og sjást þess víða dæmi.

Þessu væri gaman að breyta.

Skoðanir mínar eru bísna hefðbundar sósíaldemókratískar eins og í Evrópu og grænar eins og þakið á Fríkirkjunni við Tjörnina. Mér hefur stundum fundist baráttumálin okkar hafa þynnst svolítið út í allskonar brot sem ég held að hafi ekki verið okkur happadrjúgt. Ég vil sjá okkur halda í frammi grundvallarmálum jafnaðarstefnunnar og láta þau vera grunninn af öllu öðru. Tæknilegar útfærslur grundvallarmála er í raunninni léttvægar svo fremi sem þær eru framkvæmdar. Mér finnst stjórnmálin stundum líkjast meira dægurmálaþrasi í útvarpi þar sem skoðanir – hverjar sem þær kunna að vera – eru settar fram jafnréttháar. Með þessu verða stjórnmálin þras og þau verða leiðinleg og stjórnmálamennirnir sömuleiðis.

Takið eftir að stjórnmálafólk hvers orð hafa einhverja vigt og dýpt, eru þau sem tala út frá grundvallaratriðum. Þannig vil ég vera.

Leave a reply:

Your email address will not be published.

Site Footer