NÝTUM NÁTTÚRUNA – HÆTTUM HVALVEIÐUM

Ég átti erindi til Húsavíkur fyrir nokkrum dögum.  Það var mjög skemmtilegt að koma þangað.  Ég bjó á Húsavík í 4 vikur árið 2003 og það er óhætt að segja að allt annar bragur er á Húsavík í dag en þá.  Þarna er allt á uppleið og þar sem áður var daufleg og daunill höfn, er nú iðandi mannlífspottur með veitingastöðum og allskonar skemmtun.

MIKILVÆGT MÁL AÐ GLEYMAST

Því miður stefnir í það að nýlegar hækkanir Mjólkursamsölunnar á smjöri falli í gleymsku og ömurðarhringrás hækkana, verðbólgu, verðtryggingar og neytendafjandsemi haldi áfram enn um hríð.  Þessi hækkun er sérskaklega illskeytt núna rétt eftir samninga á vinnumarkaði þar sem hækkunin hefur áhrif á vísitölu sem síðan hefur áhrif á lánskjör allra landsmanna.

KALLAX EÐA EXPEDIT ?

Margir kannast við Expedit hillurnar sem fást í Ikea.  Ástæðan er ekki síst sú að Expedit hillurnar eru einfaldar, frekar flottar og afar praktískar.  Þær má nota í barnaherbergið eins og stofuna og endalausir möguleikar varðandi útfærslur.  Heill bransi þrífst utan í þessum hillum því vinsælt er að breyta þeim eftir því sem hver og einn vill.  Expedit hillurnar eru ótrúlega vinsælar, á góðu verði og miljónir ánægðra viðskiptavina geta varla haft rangt fyrir sér.

HNEYKSLUÐ KAMARSVEIT

Það hefur verið svolítið spélegt að fylgjast með umræðunni um fjölgun ferðamanna á Íslandi.  Margir jesúa sig yfir þessum fávísa lýð og nefna máli sínu til stuðnings einhver dæmi um að ferðalangar gangi örna sinna tvist og bast og út um allar koppagrundir.   Umræðan kemur í bylgjum eins og í fuglabjargi og tók steininn út fyrir um það bili viku þegar allar fréttir snérust í raun um hringavandræði ferðaþjónustunnar, hringavitleysu og hringvöðva.

Site Footer