SPIDERMAN OG GLITNISMAÐURINN

Sonur minn Bessi fékk í afmælisgjöf forláta Spiderman -„buff“. Leó, sá yngri var að vonum öfundsjúkur og vildi buffið hafa en fékk ekki. Við hjónin fundum gamalt Glitnis-buff sem að við áttum í fórum okkar og létum Leó það í té. Róaðist hann nokkuð við það.

GAUTABORG ER FRÁBÆR

Ég þreytist ekki á að mæra borgina sem ég bý í. Gautaborg er tiltölulega lítil (um 500.000 íbúar og um miljón með jaðarbyggðum) og borgin er sérstaklega fjölskylduvæn og græn svæði hér ótalmörg. Skógar eru hér fjölmargir með viltu dýralífi. Segja má að borgin sé eiginlega inn í miðjum skógi. Stundum koma dýrin í skóginum inn í borgina og éta úr blómabeðum íbúanna. Ég tók mynd af þessum hjörtum þegar ég var að vinna í Frölunda í síðustu viku.  

SKOPPU OG SKRÝTLU RÆÐA ÞORGERÐAR KATRÍNAR

Það vakti athygli mína í ræðu Þorgerðar Katrínar á landsfundi Flokksins að hún talað töluvert um persónulega hagi sína og eiginmans síns, fjölskylduaðstæður og sína eigin persónu. Þetta er svo sem ekkert afskaplega óvenjulegt en í ljósi þess að um var að ræða æðstu stofnum flokksins sem hún frontar var þetta ákveðið stílbrot. Persónulegir hagir stjórnmálamanna hafa hingað til átt sér vetvang í glanstímaritum en ekki á miklvægum fundum. Þetta er kannski fyrirboði um nýjar áherslur í Sjálfstæðisflokknum. -Hver veit?

RÆÐA ÞORGERÐAR KATRÍNAR

Ég horfði á ræðu Þorgerðar Katrínar á vef Sjálfstæðisflokksins nú um helgina. Ekki er hægt að segja að ég hafi verið neitt sérstaklega hrifin af ræðu varaformanns Flokksins nema síður sé. Hún notar afar ómerkileg trikk til þess að skauta framhjá stóru málunum, eins og reyndar allir sem tóku til máls á þessum fundi. Sjálfstæðismenn geta ekki ennþá horft framhjá uppskeru 18 ára valdatíma síns í landsmálunum.

STEFNUMARKANDI LAG

Ég hef alltaf verið veikur fyrir laginu „I feel love“ með Donnu Summer. Lagið var gefið út árið 1977 og náði á toppinn í Bretlandi. Ég hef ekki tölu á öllum þeim remixum sem hafa verið gerðar eftir laginu en ég er svo mikið retró að ég held að orgínalinn sé einna bestur. Sagan segir að þegar David Bowie heyrði þetta lag hafi hann sagt:

SHEPPSHULT

Reiðhjólaverksmiðjan í bænum Skeppshult endurspeglar allt sem gott er við sænskan iðnað. Hjólin eru klassísk, lausi við tískudellur og endast heilu mannsaldrana. Maður sér gæðin blasa við sér. Allt efni, stál, gúmmí og aukahlutir eru af bestu sort. Ég held að Svíar séu pínu stoltir af Sheppshult hjólunum.

Site Footer