Besta íslenska ljóðskáldið.

Ísak Harðarson ber höfðu og herðar yfir kollega sína ljóðskáldin. Hann er risinn í íslenskri ljóðlist. Því miður fyrir hann og íslenska ljóðaunnendur mun hann aldrei fá styrk eða styrki til ljóðagerðar sinnar. Ísak er hvorki hipp eða kúl, hann er bara ljóðskáld. Ég hrindi einu sinni í lykilfólk í menningargeiranum og spurði hversvegna Ísak fengi ekki listamannalaun eins og t.d Mattíhas Johannessen. Svarið var svo einfalt að ég skammaðist mín fyrir að hafa varpað upp spurningunni.

-Hann tengist ekki neinum í útlhutnunarnefndinni.

Þeir einu sem mæra Ísak opinberlega eru að keppa við hann um þessa sömu styrki. Þeir passa sig því að mæra hann hæfilega mikið og alls ekki þegar úthlutunarséníin eru að hlusta. Það er því útilokað fyrir fólk eins og ísak að fa nokkurn skapaðan hlut frá opinberum sjóðum þar sem hæfileikalausir menningarspenar eru í klíkunni og fá því allt sem til er til skiptanna.

-Ísak er Van Gogh Íslands. Hann þarf að drepast til að vera viðurkenndur.

2 comments On Besta íslenska ljóðskáldið.

  • Ég fletti þessu upp og mér sýnist Ísak hafa margoft fengið úthlutað listamannalaunum – síðast árið 2006. Hann hefur hins vegar ekki gefið út neitt frumsamið síðan 2001.

    Ísak nýtur mikillar virðingar, og það víða. Hann nýtur m.a. þess fáheyrða heiðurs á Íslandi, að um hann hefur verið skrifuð heil bók, af einum stærsta höfundi landsins (Andra Snæ) – og hann var dæmalaust ungur til að fá útgefin öll sín verk í einu stóru glæsilegu bindi.

    Ísak á allt gott skilið, og ætti auðvitað að vera á ritlaunum (en ætti í fyrsta lagi auðvitað að vera að skrifa, hvað sem líður ritlaunum) – en það er óþarfi að gera úr honum einhvern útskúfaðan skúmaskotsprest. Ísak er einfaldlega bæði vinsæll og farsæll, og finnst í mörgum söfnum – eins og segir – og hefur margoft fengið ritlaun.

    Veistu annars t.d. hvort hann hefur sótt um síðustu ár? Maður fær þau ekki án þess að sækja um – og þeir sem eru í þægilegum vinnum sækja oft ekki um, því menn þurfa að yfirgefa þær vinnur þegar þeir taka við ritlaunum og óvíst hvort þær bíði þegar ritlaunatímabilinu lýkur.

  • Þetta eru ágæta ábendingar há Norðdal. Það sem ég átti við og kom kannnski ekki nógu skýrt frá mér er að Ísak er utan við allar klíkur og fær þal enginn listamannalaun eða þ.h. Hann er ekki í stjórmálaklíku eða listamannaklíku. Þrátt fyrir að vera besta ljóðskáld landsins og þótt viðar væri leitað, mun hann þ.a.l ekki fá neinn stuðning frá ríkisvaldinu eins og minni spámenn.

    Ég veit að fólk þarf að sækja um e-n styrk til að fá styrk. Því er reyndar ekki fyrir að fara í heiðurslaunaflokki og það var einmitt þegar eitt slott losnaði þar þegar ég kannaði hvort möguleiki væri fyrir Ísak að fá heiðurslaun.

    Hæfileikar og umbun ríksvaldsins fara sjaldnast saman. Listamannalaun hafa alltaf verið notuð í pólitískum tilgangi til að veita „sínu“ fólki dúsu.

Comments are closed.

Site Footer