ÁHRIFAMIKIÐ BRÉF UM ÓHRÓÐUR VIGDÍSAR HAUKSDÓTTUR

Ég hef nú fjallað um bréf sem Vigsdís Haukdsóttir skrifaði og hefur sent út um allar koppagrundir. -Svarað því líð fyrir lið!

Þetta vakti athygli og umferð á bloggið mitt hefur verið mikil.  Mér hefur borist fjöldinn allur af ábendingum með hugmyndir af greinum og einhverjum staðreyndum úr skuggalegri fortíð Framsóknarflokksins.  Sumt mun ég nota, annað ekki.  Ég ætla ekki að feta sama forað og þingmaðurinn Vigdís Haukdsdóttir og blammera fólk vegna þess að það er gift einhverjum, þekkir einhvern eða hefur unnið hjá þessum eða hinum.
Við þetta er svo að bæta að ég fékk sendan póst frá móður eins sem Vigdís Hauksdóttir dylgjar um, þar sem hún þakkaði mér fyrir að verja viðkomandi.  -Því enginn annar hefði þorað því!  Þetta bréf mun ég passa og vonandi tekst mér að hafa það sem leiðarljós í skrifum mínum í framtíðinni. Mér sýnist allt vera komið á hvolf.  Mér sýnist að nógs sé að öskra um eitthvað samsærisbull og allir og ég meina allir, trúa því.

Ég var skammaður mikið fyrir að verja þetta fólk á „dauðalistanum“ (en svo er listi Vigdísar Haukdsóttur kallaður)  Allskonar velmeinandi og réttsýnt fólk gleypti við þessum dylgjum eins og hráu sushi og sleiktu svo útum og öskruðu á meira.  Meir að segja tunnuberjararnir sem eru upp til hópa ágætis fólk og með sterkari réttlætiskennd er aðrir. Þau af öllu fólki djöfluðust í mér fyrir að leiðrétta hroðann úr „dauðalistanum“.

Það er eins og fólk sé hætt að hugsa.

Í augljósasta dæminu um ofsóknir þar sem ráðning Eddu Rósar Karlsdóttur var gerð tortryggileg komu tvær  athugasemdir sem átt það sameiginlegt að snúa að mér (ekki efni greinarinnar)  Einn dóninn sagði mig hjóta að vera að „djóka“, meðan annar sagði við mig að ég „ætti að leita mér aðstoðar“  Svo náttúrulega þær óteljandi athugasemdir um að ég fái fé frá Samfylkingunni fyrir þessi skrif mín.

-Fólk er hætt að hugsa.

Þetta bréf frá móðirinni situr í mér og mun gera um langa hríð.  Mér þykir miður þegar ofsóknir frá Alþingismönnum eru byrjaðar að græta blásaklaust fólk.  Allar þessar ávirðingar sem Vigdís tekur fram í bréfi sínu, eru tilhæfulausar.  Hugsanlega flugufótur en aldrei meira en það. Lesið svörin við þessum ávirðingum og þið munið sjá hvað ég er að tala um.  Þau koma hér fyrir neðan

Að svona rógur komi frá Alþingsismanni er mér barasta ofviða.  Hvað með siðareglur Alþingismanna?  Nú hef ég fengið athugasemdir um að ég sjálfur sé ekkert barnanna bestur í dylgjum og að tala fjálglega um þennan og hinn.  Nú skal ég bara játa það á mig (ólíkt sumum) og ég lofa að reyna mitt ýtrasta til að hætta þessum ósóma.  Svona skrif, dylgjur og meinsæri eru hvorki mér til vegsemdarauka eða neinum öðrum.  Hvað þá þingmönnum!

Ég er nú samt þeirrar skoðunar að það skipti máli hver pikkar á knappa, bloggari í Svíþjóð, eða alþingismaður á Íslandi.  -Það er munur.  Mér leyfist meira.

 

Hérna er svo samantekt allra þessara 8 punkta.
-o-o-o-o-

Hér fyrir neðan eru punktar sem þingmaðurinn Vigdís Haukdsóttir setti saman til að gera Samfylkinguna tortryggilega.  Þessum punktum hef ég svarað lið fyrir lið.  Hérna kemur samantektin: Bréfið byrjar svona:    „Til hamingju Samfylking – ykkur tókst það…Samfylkingin fékk einungis fólk úr Landsbankanum til starfa.“
————

    1. Jónína S. Lárusdóttir
      var ráðuneytisstjóri viðskiptaráðuneytisins í umboði Samfylkingarinnar, og starfar nú hjá Arion Banka sem yfirlögfræðingur hans. Hún er gift Birgi Guðmundssyni, fyrrum viðskiptastjóra hjá gamla Landsbankanum í London og núverandi nefndarmanni skilanefnd Landsbanka Íslands.

svar:

Jónína S. Lárusdóttir var búin að starfa í viðskiptaráðuneytinu frá 2000 og vera skrifstofustjóri frá 2004 þegar hún var skipuð ráðuneytisstjóri í viðskiptaráðuneytinu við aðskilnað þess frá iðnaðarráðuneytinu 2007. Engar athugasemdir voru gerðar við skipan hennar eða efasemdir um hæfi. Engin stjórnmálamaður kom að ráðningu hennar sem yfirlögfræðings hjá Arion banka enda hafa ekki heldur komið fram athugasemdir við hæfi hennar við þá ráðningu. Sú staðreynd að draga eiginmann hennar inn í þessa umræðu segir sennilega allt sem segja þarf um þankagang þingmannsins Vigdísar Hauksdóttur.

————

    1. Herdísi Hallmarsdóttur hæstaréttarlögmaður sem situr í slitstjórn Landsbanka Íslands er eiginkona Magnúsar Orra Schram þingmanns Samfylkingarinnar.

svar:

Herdís Hallmarsdóttir hrl. er skipuð í slitastjórn gamla Landsbankans af Héraðsdómi Reykjavíkur í samræmi við lög. Hvorki ríkisstjórn né alþingismenn koma að þeirri skipan.  Enn og aftur dregur Vigdís eiginmann ímyndaðra óvina sinna inní umræðuna.  þetta sætir undrum og vekur upp óþægilegar spurningar.
————
    1. Ingvi Örn Kristinsson var aðstoðarmaður fyrrum félagsmálaráðherra Árna Páls Árnasonar og núverandi efnahags – og viðskiptaráðherra sem situr í umboði Samfylkingarinnar og er „styrkþegi“ Jóns Ásgeirs Jóhannessonar, sem jafnframt hefur neitað að gefa upp hversu mikið auðróninn hefur „styrkt“ hann. Ingi var framkvæmdastjóri verðbréfasviðs gamla Landsbankans. Einnig starfar Ingi sem ráðgjafi forsætisráðherra Jóhönnu Sigurðardóttur sem situr í umboði Samfylkingarinnar, og er enn einn ráðherra fyrstu hreinu vinstristjórnarinnar sem er „styrkþegi“ Jóns Ásgeirs Jóhannessonar.

svar:

Yngvi Örn Kristinsson með yfsiloni hefur aldrei verið aðstoðarmaður félagsmálaráðherra. Hann er hins vegar virtur peningamálahagfræðingur, fyrrverandi framkvæmdastjóri úr Seðlabankanum og metinn hæfur sem Seðlabankastjóri. Ráðgjafar hans var óskað tímabundið þar sem hann var stjórnarformaður Húsnæðisstofnunar, stýrði innleiðingu húsbréfakerfisins.  Fullyrðingar um að Árni Páll Árnason hafi aldrei gefið upp hvað hann hafi fengið í styrki eru beinlínis rangar.  Sjá vef ríkisendurskoðunar.

————

    1. Benedikt Stefánsson var einn lykilmanna greiningardeildar gamla Landsbankans og síðan aðstoðarmaður Gylfa Magnússonar sem var ekki kosinn af þjóðinni til starfa heldur sérvalinn efnahags – og viðskiptaráðherra af Samfylkingunni.

svar:

Benedikt Stefánsson hefur aldrei starfað í Samfylkingunni enda ráðinn aðstoðarmaður gamals skólabróður síns sem var fagráðherra utan flokka. Hann kom til starfa í greiningardeild Landsbankans í ársbyrjun 2008 svo þessi „lykilmaður“ náði því að fylgjast með falli fjármálakerfis heimsins á lokametrunum

————

    1. Björn Rúnar Guðmundsson er skrifstofustjóri í efnahags – og viðskiptaráðuneytinu. Hann var forstöðumaður í greiningardeild gamla Landsbankans. Efnahags – og viðskiptaráðuneytið er á ábyrgð Samfylkingarinnar og ráðaherrann Árni Páll Árnason er „styrkþegi“ Jóns Ásgeirs Jóhannessonar og hefur neitað að gefa upp upphæðina sem hann tók á móti.

svar:

Björn Rúnar Guðmundsson var ráðinn strax eftir hrun bankanna af Geir H. Haarde þáverandi forsætisráðherra sem skrifstofustjóri efnahagsmála. Við stofnun efnahags- og viðskiptaráðuneytis var skrifstofan færð til þess ráðuneytis. Geir H. Haarde var ekki í Samfylkingunni og hefur aldrei verið.  Fullyrðingar um að Árni Páll Árnason hafi aldrei gefið upp hvað hann hafi fengið í styrki eru beinlínis rangar.  Sjá vef ríkisendurskoðunar.

————

  1. Edda Rós Karlsdóttir er fulltrúi Íslands í Alþjóðagjaldeyrissjóðnum í umboði Samfylkingarinnar. Hún var forstöðumaður greiningardeildar gamla Landsbankans.

svar:

Edda Rós Karlsdóttir er ráðin beint af Alþjóða gjaldeyrissjóðnum eftir auglýsingu. Hún er einskis fulltrúi þar og fráleitt að Samfylkingin eða ríkisstjórnin verið fengin til að sjá um ráðningarmál AGS.

————

  1. Arnar Guðmundsson var starfsmaður greiningardeildar gamla Landsbankans. Hann er aðstoðarmaður Katrínar Júlíusdóttur iðnaðarráðherra í umboði Samfylkingarinnar. Katrín sem jafnframt er „styrkþegi“ Jóns Ásgeirs Jóhannessonar.

svar:

Arnar Guðmundsson var ráðinn sem pólitískur aðstoðarmaður iðnaðarráðherra frá Landsbankanum þar sem hann sá um útgáfumál greiningardeildar frá því í ágúst 2007. Hefur unnið hjá Fjárfestingarstofunni, Útflutningsráði og Aflvaka hf. atvinnuþróunarfélagi Reykjavíkur þar sem hann vann við og stýrði atvinnuþróunarmálum, nýsköpun, erlendri fjárfestingu og málefni ferðaþjónustunnar, allt lykilmálaflokkar iðnaðarráðuneytisins.

————

  1. Ársæll Hafsteinsson var einn af framkvæmdastjórum lögfræðideildar Landsbankans fyrir hrun. Hann fékk sekt fyrir það að leka upplýsingum úr Búnaðarbankanum til fyrirtækis í eigu Björgólfs eldri og var ráðinn yfir til Landsbankans þegar feðgarnir keyptu bankann. Eftir hrun var hann skipaður í skilanefnd gamla Landsbankans. Í fyrra var honum vikið úr skilanefndinni af Fjármálaeftirlitinu. Skilanefndin brást svo við að ráða hann sem ráðgjafa sem hann starfar við í dag.

svar:

Ársæll Hafsteinsson hefur líklega aldrei verið bendlaður við Samfylkinguna frekar en flestir aðrir toppstjórnendur Landsbankans gamla. Enda kemur enginn stjórnmálamaður að ráðningu skilanefnda á ráðgjöfum.  Þó að þessi hrókering skilanefndarinnar sé sannarlega umdeild, var hún ekki á vegum Samfylkingarinnar.  Þetta hlýtur Vigdís Hauksdóttir að vita og það sætir furðu að hún láti svona á prent.
————

Site Footer